"მე მცველი ვიყავი და ვიცი ეს რას ნიშნავს" - კომპანის პასუხი დაცვის კრიტიკაზე

მიუნხენის ბაიერნის მთავარმა მწვრთნელმა, ვინსენტ კომპანიმ, გუნდის დაცვაში არსებულ პრობლემებსა და ბოლო დროს გაშვებულ გოლებზე ისაუბრა. მან აღნიშნა, რომ საკუთარი გამოცდილებიდან გამომდინარე, კარგად ესმის არსებული მდგომარეობა და სიმშვიდის შენარჩუნებისკენ მოუწოდა ყველას.

„მე მცველი ვიყავი და ვიცი, რას ნიშნავს, როდესაც ერთ კვირაში ბევრ გოლს უშვებ. ჩვენ ამ თემაზე გასულ წელსაც ვისაუბრეთ და ვთქვით, რომ სიმშვიდე უნდა შევინარჩუნოთ. ამის შემდეგ, მგონი, ზედიზედ 8 მატჩში კარი მშრალად შევინახეთ.

ჩვენ ყოველთვის ვაჩვენებდით რეაქციას წარუმატებლობაზე და ახლაც იგივე უნდა გავაკეთოთ. რეაქცია უნდა ვაჩვენოთ როგორც მცველებმა და როგორც გუნდმა - ამისთვის კი ოთხშაბათზე უკეთესი დრო არ არსებობს.“ - განაცხადა კომპანიმ.