ენრიკე: “უნდა ვიყოთ იმაზე კონკურენტუნარიანები, ვიდრე ოდესმე”

პსჟ-ს მთავარმა მწვრთნელმა, ლუის ენრიკემ, ხაზი გაუსვა ორივე გუნდის მენტალურ სიმტკიცეს და აღნიშნა, რომ ასეთი მაღალი დონის მეტოქე მათთვის მხოლოდ მოტივაციაა. მან მაგალითად დიდი სლემის ლეგენდები მოიყვანა.

„ორივე გუნდმა მთელი სეზონის განმავლობაში აჩვენა რთული მომენტების გამკლავების უნარი. ჩვენ იმაზე კონკურენტუნარიანები უნდა ვიყოთ, ვიდრე ოდესმე. როდესაც ასეთ მატჩებს ვუყურებ, მახსენდება რაფაელ ნადალის სიტყვები — ის ამბობდა, რომ ნოვაკ ჯოკოვიჩთან და როჯერ ფედერერთან დაპირისპირება მისთვის მოტივაცია იყო.

ის ამაში განვითარების პოტენციალს ხედავდა. ჩვენ ვეცდებით დავძლიოთ სტადიონის ატმოსფერო და გუნდი, რომელიც სენსაციურ ფეხბურთს თამაშობს“ — განაცხადა ენრიკემ.