საჩემპიონო ზეიმიდან კლინიკაში: რა აჩვენა ნოიერის პირველადმა დიაგნოზმა?

მიუნხენის ბაიერნის საჩემპიონო ზეიმი მანუელ ნოიერისთვის საავადმყოფოში დასრულდა. თასის აწევის შემდეგ, კაპიტანი სასწრაფოდ MRI სკანირებაზე გადაიყვანეს, რათა დადგინდეს წვივის ტრავმის სიმძიმე. სწორედ ამ კვლევის შედეგებზეა დამოკიდებული, შეძლებს თუ არა ლეგენდარული მეკარე გერმანიის თასის ფინალში თამაშს და რაც მთავარია, გაფრინდება თუ არა მუნდიალზე.

პირველადი დიაგნოზი ოპტიმისტურია - ექიმები მიიჩნევენ, რომ დაზიანება სერიოზული არ არის. თუმცა, საბოლოო გადაწყვეტილება 1-2 დღეში მიიღება, მას შემდეგ, რაც გამოჩნდება, როგორ რეაგირებს ფეხბურთელის კუნთი დატვირთვაზე.

ნაგელსმანი და მთელი გერმანია ახლა სუნთქვაშეკრული ელოდება პასუხს: დარჩება ნოიერი გუნდს მიღმა თუ ისევ პირველი ნომერი იქნება?