ბრძოლა ევროპულ გრანდებს შორის - ბაიერნი ფრანგი ტალანტის ტრანსფერზე მუშაობს

ცნობილი საფეხბურთო ინსაიდერის, ფაბრიციო რომანოს ინფორმაციით, ბაიერნმა ჯერ კიდევ აპრილში გააკეთა ოფიციალური მოთხოვნა ელი ჟუნიორ კრუპის დაკავშირებით. თუმცა, მიუნხენელებს ამ ბრძოლაში კონკურენცია ელით, რადგან ფეხბურთელის აგენტებს უკვე დაუკავშირდნენ პსჟ, ლონდონის არსენალი და მანჩესტერ სიტი.

ახალგაზრდა ვარსკვლავის მსურველი ყველა ევროპული გრანდი ამჟამად მოლოდინის რეჟიმშია და ელოდება, თუ რა ფასს დაადებს ბორნმუთი თავის ფეხბურთელს, რის შემდეგაც სატრანსფერო ბაზარზე ნამდვილი ომი დაიწყება.