ბაიერნმა ორივე ფლანგის დასახურად 20-მილიონიანი ვარსკვლავი შეარჩია

გერმანული გავლენიანი გამოცემა BILD-ი სენსაციურ ინფორმაციას ავრცელებს და ადასტურებს, რომ მიუნხენის ბაიერნი სერჟინიო დესტის ტრანსფერით სერიოზულად დაინტერესდა. ამერიკელი მცველი სატრანსფერო ბაზარზე ერთ-ერთ ყველაზე მიმზიდველ ვარიანტად ითვლება, რადგან მას მოედანზე ორივე ფლანგის მცველის პოზიციაზე თანაბრად მაღალ დონეზე თამაში შეუძლია.

მიუნხენურ გრანდს ამჟამად დაცვის ფლანგებზე საიმედო ბექაფები ჰაერივით სჭირდება, დესტის უნივერსალურობა კი კლუბის ხელმძღვანელობისთვის იდეალური გამოსავალია. ფეხბურთელის საბაზრო ღირებულება ამჟამად 20 მილიონი ევროს ფარგლებში მერყეობს, რაც მიუნხენელებისთვის ფინანსურადაც სრულიად მისაღები ციფრია და სატრანსფერო ბრძოლას კიდევ უფრო რეალურს ხდის.