პსვ-მ ბაიერნს პირობა წაუყენა - სატრანსფერო ფასის დეტალები ცნობილია

მიუნხენის ბაიერნი შემტევი ხაზის გაძლიერებას აგრძელებს და ამჯერად ფოკუსი პსვ-ს მაროკოელ ვარსკვლავზე, ისმაელ საიბარიზე გადაიტანა. მიუნხენელებმა ნიდერლანდურ კლუბს ოფიციალური წინადადებით უკვე მიმართეს: ბაიერნი მზად არის 45 მილიონი ევრო ფიქსირებულად, ხოლო დამატებით 5 მილიონი ბონუსების სახით გადაიხადოს.

პსვ-ს პოზიცია მკაფიოა - მათ 50 მილიონი ევროს სუფთად, ყოველგვარი ბონუსების გარეშე მიღება სურთ. მიუხედავად ფინანსური სხვაობისა, მოლაპარაკებები აქტიურ რეჟიმში გრძელდება და ყველა მხარე ოპტიმისტურადაა განწყობილი. თავად ფეხბურთელი ტრანსფერს მწვანე შუქს უნთებს და კლუბებს შორის საბოლოო შეთანხმებას ელოდება.