კომპანის გეგმა ცნობილია - რა პოზიციაზე ითამაშებს საიბარი ბაიერნში?

ისმაელ საიბარის გამოყენებას ვენსან კომპანი ძირითადად ათ ნომერზე გეგმავს. თუმცა, ნიკოლას ჯექსონის გუნდიდან წასვლის შემდეგ, საჭიროების შემთხვევაში, საიბარი მოედანზე ჰარი კეინის შეცვლას და ცენტრფორვარდად თამაშსაც შეძლებს.

კლუბი მხოლოდ საიბარის ტრანსფერით არ შემოიფარგლება. უახლოეს დღეებში მიუნხენური გრანდი კიდევ ორი გარიგების დასრულებას გეგმავს, რათა შემადგენლობა მომავალი სეზონისთვის მაქსიმალურად გაძლიერდეს.

ბაიერნი აპირებს ფრანკფურტის აინტრახტიდან ნათანიელ ბრაუნი დაიმატოს, ასევე ოფიციალურად დაადასტუროს ბარა საპოკო ნდიავეს მუდმივი კონტრაქტით გაფორმება. ორივე ტრანსფერი უახლოეს პერიოდში დაიხურება.