ბულინგი ბავარიულად ბაიერნი ინგლისურ კლუბებს არ ინდობს

ლონდონის "ტოტენჰემის" შემდეგ ჩემპიონთა ლიგის მიმდინარე სეზონში მიუნხენის "ბაიერნმა" არც ლონდონის "ჩელსი" დაინდო.

ჰანსი ფლიკის გუნდმა 1/8 ფინალური ეტაპის პირველ შეხვედრაში "არისტოკრატები" 3:0 გაანადგურა და მეოთხედფინალისკენ უდიდესი ნაბიჯი გადადგა.

საინტერესოა, რომ "ბაიერნს" უკვე ერთბაშად 4 ინგლისური გუნდისთვის აქვს გატანილი სტუმრად 3 ან მეტი გოლი - "არსენალი" (ორჯერ), "მანჩესტერ სიტი", "ტოტენჰემი" და უკვე "ჩელსი".

ინგლისურ კლუბებზე "ბავარიული ბულინგი" 2013 წლიდან დაიწყო და მიმდინარე სეზონში სერიოზული სახე მიიღო.

საპასუხო 1/8 ფინალური თამაში 19 მარტს მიუნხენში გაიმართება.