მიულერი: “კლოპი ნაკრებში იმაზე მეტს შეცვლის, ვიდრე უბრალოდ ტაქტიკაა..”

მიუნხენის ბაიერნისა და გერმანიის ნაკრების ლეგენდამ, თომას მიულერმა, ფედერაციის მიერ იურგენ კლოპის მთავარ მწვრთნელად დანიშვნის გადაწყვეტილება შეაფასა. მიულერის აზრით, კლოპი ბუნდესნაკრებისთვის ბევრად მეტია, ვიდრე უბრალოდ ტაქტიკოსი, რომელიც გუნდს მოედანზე უხელმძღვანელებს. მიულერმა ხაზი გაუსვა კლოპის ბოლო დროს მიღებულ გამოცდილებას რედ ბულში და მის ინგლისურ კარიერას, სადაც მწვრთნელის ფუნქციები გაცილებით ფართოა.

„იურგენის არჩევანი ძალიან საინტერესოა, რადგან ის მხოლოდ მწვრთნელი ან წარმატებული სპეციალისტი არ არის. თავის ამჟამინდელ როლში [რედ ბულში] ის ასევე ჩართულია სტრუქტურებისა და ორგანიზაციული პროცესების შენებაში. ეს არ არის უბრალოდ ახალი მწვრთნელის მოყვანა, რომელიც ტაქტიკურ დაფაზე სახელებს დაწერს; საუბარია სწორი სტრუქტურის შექმნაზე, რათა საჭირო ცვლილებები რეალურად განხორციელდეს. როდესაც ინგლისში მენეჯერი ხარ, ბევრად მეტი ხარ, ვიდრე უბრალოდ მწვრთნელი. შენ ჩართული ხარ სრულიად განსხვავებულ პროცესებსა და აზროვნებაში, რაც ამ სამუშაოს ფარგლებს სცდება“ - განაცხადა მიულერმა.

ლეგენდარული ფეხბურთელის კომენტარიდან ნათლად ჩანს, რომ გერმანულ ფეხბურთს ძირეული, სისტემური რეფორმები ელოდება, რომლის სათავეშიც სწორედ კლოპი იქნება.