სანესთვის ბრძოლაში ბაიერნს ორი დიდი კონკურენტი გამოუჩნდა

"მანჩესტერ სიტისა" და გერმანიის ეროვნული ნაკრების გარემარბის, ლეროი სანეს, გადასაბირებლად მიუნხენის "ბაიერნს" სერიოზული ბრძოლა მოუწევს.

ბრიტანული პრესის ინფორმაციით, მას შემდეგ, რაც სანეს ინგლისიდან წასვლის შანსები საგრძნობლად გაიზარდა, მისით ესპანური გიგანტები, "ბარსელონა" და მადრიდის "რეალი", დაინტერესდნენ.

"რეკორდმაისტერისთვის" ლეროი პრიორიტეტული სამიზნეა და "ბაიერნის" მესვეურები მის ტრანსფერზე მოლაპარაკებებს აწარმოებენ.

თუმცა შესაძლოა საქმეში კატალონიური და მადრიდული გრანდიც ჩაერთოს, რაც კონკურენციას გაზრდის.

24 წლის გერმანელი "სიტიში" თავს ბედნიერად არ გრძნობს, თანაც "ქალაქელები" ჩემპიონთა ლიგაზე მომდევნო ორი წელი ვერ ითამაშებენ, რაც მისი წასვლის შანსებს ზრდის.