ბაიერნმა ჰავერტცს კონტრაქტის დეტალები შესთავაზა

მიუნხენის "ბაიერნის" ხელმძღვანელობა ზაფხულში გერმანული სუპერ-ტალანტის, კაი ჰავერტცის, დამატებას გეგმავს.

გერმანული პრესის ინფორმაციით, "რეკორდმაისტერმა" ლევერკუზენის "ბაიერის" ნახევარმცველს პირველი ოფიციალური წინადადებითაც მიმართა.

მიუნხენური კლუბი ჰავერტცს 5 წლიან კონტრაქტს სთავაზობს წელიწადში 8 მილიონი ევროს ანაზღაურებით.

20 წლის გერმანელი მოთამაშე "ბაიერნის" რადარზე უკვე დიდი ხანია იმყოფება და გამომდინარე იქიდან, რომ კაის ბევრი მსურველი ჰყავს, მიუნხენელები დროს არ კარგავეენ.

2019/20 წლების სეზონში ჰავერტცმა 29 თამაშში 10 გოლის გატანა მოახერხა. მან უკვე დაადასტურა, რომ ზაფხულში "ბაიერს" დატოვებს.