ინგლისელი ექსპერტი ჩელსი ტოპკლუბია ბაიერნი კი დაბერებული გუნდი

ცნობილმა ინგლისელმა ექსპერტმა და ინგლისის ეროვნული ნაკრების ყოფილმა ნახევარმცველმა, პოლ მერსონმა, ლონდონის "ჩელსის" ახალგაზრდა ტალანტის, კალუმ ჰადსონ-ოდოის მიუნხენის "ბაიერნში" შესაძლო გადასვლა შეაფასა.

18 წლის ინგლისელი სუპერ-ტალანტით გერმანული გრანდი სერიოზულად ინტერესდება და თავად ჰადსონ-ოდოისაც ძალიან უნდა მიუნხენში გადაბარგება.

"მის ადგილზე მიუნხენის "ბაიერნში" ნამდვილად არ გადავიდოდი.

"ჩელსი" ტოპ-კლუბია, რომლის შემადგენლობაშიც მაღალი კლასის მოთამაშეები არიან, ხოლო "ბაიერნი" უკვე დაბერებული გუნდია, რომელიც აღარ არის ისეთი, როგორიც 5-6 წლის წინ იყო", - განაცხადა მერსონმა.

კალუმ ჰადსონ-ოდოიმ მიმდინარე სეზონში პირველი გუნდის რიგებში 14 მატჩი ჩაატარა და 3 გოლის გატანა მოახერხა.