მიუნხენური გრანდის მთავარმა მწვრთნელმა, ნიკო კოვაჩმა, "ლივერპულთან" თამაშისწინა პრესკონფერენციაზე გუნდის საკადრო მდგომარეობაც შეაფასა.
"ვოლფსბურგთან" ბოლო შეხვედრაში "რეკორდმაისტერს" ავსტრიელი მარცხენა მცველი, დავიდ ალაბა, ვერ დაეხმარა, მაგრამ დავიდი თავს უკვე კარგად გრძნობს.
გარდა ამისა საეჭვოა კინგსლი კომანის თამაშიც, მაგრამ ახალგაზრდა ფრანგი განაცხადში უნდა იყოს.
"ველი, რომ ხვალ დავიდ ალაბა მენტალურად და ფიზიკურად მზად იქნება. მან დღეს ძალიან კარგად ივარჯიშა.
კინგსლიმ დღეს ვარჯიშზე ლიმიტი ამოწურა და მაქსიმუმი გააკეთა. ის ძალიან კარგად გამოიყურება", - აღნიშნა 47 წლის ხორვატმა სპეციალისტმა.