კოვაჩს რაფინიას იმედი აქვს

მიუნხენის "ბაიერნის" მთავარმა მწვრთნელმა, ნიკო კოვაჩმა, "ლივერპულთან" საპასუხო 1/8 ფინალური თამაშის წინ რაფინია გაამხნევა.

დღევანდელ შეხვედრას დისკვალიფიკაციის გამო იოზუა კიმიხი გამოტოვებს და მის ადგილს დაცვის მარჯვენა ფრთაზე სწორედ გამოცდილი ბრაზილიელი დაიკავებს.

"რაფინიამ ბოლო ორ თამაშში დაცვაშიც და შეტევაშიც ძალიან კარგი შთაბეჭდილება დატოვა.

მისთვის დაცვის მარცხენა ფლანგიდან მარჯვნივ გადასვლა არანაირი პრობლემა არ იქნება და ამოცანას თავს კარგად გაართმევს", - განაცხადა კოვაჩმა.

"ვოლფსბურგთან" ბოლო თამაშში (6:0) მიუნხენურ გრანდს დავიდ ალაბა არ ჰყავდა, ამიტომ რაფინიას მარცხნივ მოუწია თამაში, ხოლო დღეს საპირისპირო ფრთაზე გადმოიწევს.