რამდენად სერიოზულია ბოატენგის ტრავმა დიაგნოზი ცნობილია

მიუნხენური კლუბის ცენტრალურმა მცველმა, ჟერომ ბოატენგმა, ლონდონის "ჩელსისთან" დღევანდელ შეხვედრაში ტრავმა მიიღო.

31 წლის გერმანელს მეორე ტაიმში მოედნის იძულებით დატოვება მოუწია, მაგრამ როგორც მატჩის შემდეგ ირკვევა, მისი დაზიანება სერიოზული არაა.

"როგორც ჩვენი სამედიცინო შტაბი იუწყება, ყველაფერი არც ისე ცუდადაა", - აღნიშნა თამაშის შემდეგ მიუნხენელთა თავკაცმა, ჰანსი ფლიკმა.

"რეკორდმაისტერი" ჩემპიონთა ლიგის 1/4 ფინალში 14 აგვისტოს კატალონიის "ბარსელონას" დაუპირისპირდება.

ჟერომ ბოატენგმა მიმდინარე სეზონში სულ 34 მატჩი ჩაატარა და ფლიკის მოსვლის შემდეგ გუნდის უცვლელი ფიგურაა.