ლამპარდი ბაიერნს გამოცდილებით ვერ შევედრებით

ლონდონის "ჩელსის" მთავარმა მწვრთნელმა, ფრენკ ლამპარდმა, "ბაიერნთან" 1/8 ფინალური პაექრობის შემდეგ გერმანული გრანდის სიძლიერე აღიარა.

"ვფიქრობ, ნორმალურად ვიასპარეზეთ. რთულია ამის თქმა 1:4 წაგების შემდეგ, შედეგით რა თქმა უნდა, ძალიანა იმედგაცრუებული ვარ. ვფიქრობ, 0:2-ზე გამძლეობა გამოვავლინეთ, მაგრამ შემდეგ მეტოქეს საკუთარი შეცდომებით გავატანინეთ გოლები.

"ბაიერნის" წინააღმდეგ თამაში ჩვენთვის კარგი გამოცდილება იყო, ვინაიდან ბევრი დებიუტანტი გვყავდა. ზუსტად ვიცი თუ რა კომპონენტებში უნდა მოვუმატოთ და აუცილებლად დავბრუნდებით.

"ბაიერნის" გამოცდილება ჩვენთან შედარებით იმდენად დიდი იყო, რომ ამ ორ თამაშში უფრო მეტი დადებითი დავინახე, ვიდრე უარყოფითი", - განაცხადა ახალგაზრდა ინგლისელმა სპეციალისტმა.

მიუნხენელებმა ლონდონური კლუბი ჯერ გასვლაზე (3:0), რამდენიმე თვიანი პაუზის შემდეგ კი დღეს სახლში 4:1 გაანადგურეს.