ვერდერის მთავარი მწვრთნელი ბაიერნმა გამარჯვება დაიმსახურა

ბრემენის "ვერდერის" მთავარმა მწვრთნელმა, ახალგაზრდა ფლორიან კოფელდტმა, გერმანიის თასის 1/2 ფინალურ მატჩზე ისაუბრა.

"რა თქმა უნდა, პენალტის დანიშვნის გადაწყვეტილება ჩვენს მიმართ ძალიან მკაცრი იყო, მაგრამ უნდა ვაღიაროთ, რომ "ბაიერნმა" გამარჯვება დაიმსახურა.

არ ვფიქრობ, რომ პენალტი მიუნხენელებისთვის ბონუსი იყო. ეს მათი წარმატებული თამაშის ნაყოფი იყო", - განმარტა 36 წლის გერმანელმა სპეციალისტმა.

მიუნხენურ გრანდს ბრემენში 2:0 მიჰყავდა, როდესაც უეცრად ერთ წუთში ორი ბურთი გაუშვა, მაგრამ 80-ე წუთზე კინგსლი კომანმა მოიპოვა პენალტი, რომელიც რობერტ ლევანდოვსკიმ გოლად აქცია და "ბაიერნი" ფინალში გაიყვანა.