რუმენიგე არ უნდა დაგვავიწყდეს რომ ჩემპიონთა ლიგა ნაადრევად დავტოვეთ

მიუნხენის "ბაიერნის" გენერალურმა დირექტორმა, კარლ-ჰაინც რუმენიგემ, სეზონის წინასწარი შეფასებისას კრიტიკული განცხადება გააკეთა.

"ჩვენ კარგად უნდა გავიაზროთ, რომ ჩემპიონთა ლიგიდან ზედმეტად ადრე გამოვვარდით.

"ლივერპულთან" მეორე მატჩი ჩვენთვის ძალიან მტკივნეული იყო, ვინაიდან გულისა და ვაჟკაცობის გარეშე ვთამაშობდით.

იმედი მაქვს, რომ გუნდი სეზონს კარგად დაასრულებს და ტიტულებს მოიპოვებს", - განაცხადა რუმენიგემ.

"რეკორდმაისტერი" ჩემპიონთა ლიგას 1/8 ფინალური სტადიიდან გამოეთიშა, რაც ბოლოს 2011 წელს მოხდა.

მიუნხენური გრანდი "ლივერპულთან" დამარცხდა - "ენფილდზე" უგოლო ფრის შემდეგ "ბაიერნი" შინ 1:3 დამარცხდა.