რიბერი და რობენი ბუნდესლიგის ისტორიაში საუკეთესო ლეგიონერები

მიუნხენის "ბაიერნმა" ბუნდესლიგის ბოლო ტურში შინ ფრანკფურტის "აინტრახტი" 5:1 გაანადგურა და ჩემპიონობა გაიფორმა.

თუმცა ეს მატჩი კიდევ ერთი მიზეზით იყო განსაკუთრებული - ლეგენდარული ფრანკ რიბერი და არიენ რობენი კლუბს დაემშვიდობნენ.

სიმბოლურია, რომ მეორე ტაიმში მოედანზე ორივე შევიდა და თითო გოლიც გაიტანა. რიბერი და რობენი არამხოლოდ "ბაიერნის", არამედ ბუნდესლიგის ისტორიაში გამორჩეული ლეგიონერები არიან.

36 წლის ფრანგმა გერმანიის ეროვნულ ჩემპიონატში სულ 123 გოლი გაიტანა, რაც ფრანგ მოთამაშეებს შორის საუკეთესო მაჩვენებელია.

არიენ რობენის ანგარიშზე კი 98 გოლია და ეს ჰოლანდიელ მოთამაშეებს შორისაა ბუნდესლიგის რეკორდი.

რიბერიმ აგრეთვე მე-9 ბუნდესლიგის ტიტული მოიპოვა და ბუნდესლიგის ყველაზე წარმატებული მოთამაშე გახდა.