ლევანდოვსკი სანე ბაიერნს გააძლიერებს

მიუნხენის "ბაიერნის" ცენტრალურმა თავდამსხმელმა, რობერტ ლევანდოვსკიმ, ლეროი სანეს პოტენციურ ტრანსფერზე ისაუბრა.

"გააძლიერებს თუ არა სანე მიუნხენურ გუნდს? დიახ, რა თქმა უნდა. ის დიდებული მოთამაშეა დიდებული ტალანტითა და პოტენციალით.

მე ბევრჯერ მინახავს სანეს ძალიან კარგი თამაში. ასეთ მოთამაშეებს შეუძლიათ, რომ პირველივე მატჩიდან მოერგონ გუნდს და დაიწყონ განსხვავების შექმნა", - აღნიშნა 30 წლის პოლონელმა.

23 წლის გერმანელი გარემარბი "მანჩესტერ სიტიში" თავისი მდგომარეობით უკმაყოფილოა და კლუბის დატოვება სურს.

"ბაიერნი" კი მაღალი კლასის ვინგერების ძიებაშია და სანეს კანდიდატურას სერიოზულად განიხილავს.