ჰიონესი მომდევნო სეზონში წარმატების მჯერა

მიუნხენის "ბაიერნის" პრეზიდენტმა, ული ჰიონესმა, 2018/19 წლების სეზონი შეაჯამა და აღნიშნა, რომ ახალი სეზონისთვის დიდი იმედები აქვს.

"ბუნდესლიგის ბოლო მატჩი "აინტრახტთან" და თასის ფინალი "ლაიფციგის" წინააღმდეგ მშვენიერი გამოდგა. სეზონის ბოლო მთელი წლის განმავლობაში განცდილი წარუმატებლობების ერთგვარი კომპენსაცია იყო.

ვფიქრობ, სეზონის მეორე ნახევარში უფრო მეტი კარგი თამაში გვქონდა, ვიდრე ცუდი. თუ ახალ სეზონში ამ სტატისტიკას გავაუმჯობესებთ, შესაძლოა ახალი, ნიკო კოვაჩის, ეპოქა დაიწყოს. მე პირადად მასში ეჭვი არასოდეს შემპარვია.

ჩვენ სწორ გზაზე ვდგავართ. მომდევნო სეზონში დარწმუნებული ვარ", - განაცხადა ჰიონესმა.

47 წლის ხორვატმა სპეციალისტმა სადებიუტო სეზონში "რეკორდმაისტერს" ბუნდესლიგა და გერმანიის თასი მოაგებინა.