გერმანიის ნაკრები ჯგუფიდან გავიდა - 1/8 ფინალში მეტოქე ცნობილია

ევროპის ჩემპიონატის ჯგუფური ეტაპის ბოლო ტურში გერმანიის ეროვნულმა ნაკრებმა უნგრეთს უმასპინძლა და დაუზავდა - 2:2.

ამრიგად, ბუნდესნაკრებმა 4 ქულის დაგროვება მოახერხა და F ჯგუფში მეორე ადგილზე გავიდა.

1/8 ფინალში იოახიმ ლიოვის შეგირდები ინგლისის ეროვნულ ნაკრებს დაუპირისპირდება.

შეხვედრა 29 ივნისს, ლონდონში, თბილისის დროით 20:00 საათზე გაიმართება.