რუმენიგე ბაიერნი რამდენიმე ტრანსფერს კიდევ განახორციელებს

მიუნხენის "ბაიერნის" გენერალურმა დირექტორმა, კარლ-ჰაინც რუმენიგემ, "მილანთან" საერთაშორისო ჩემპიონთა თასის შეხვედრის წინ მთლიანი ამერიკული ტურნე შეაჯამა და საკადრო მდგომარეობაც შეაფასა.

"რეკორდმაისტერმა" ამხანაგურ ტურნირზე ორი მატჩი ჩაატარა: ლონდონის "არსენალთან" 1:2 დამარცხდა, ხოლო შემდეგ მადრიდის "რეალს" 3:1 მოუგო.

"ეს ყველაზე წარმატებული ტურია მთელი ჩვენი ისტორიის განმავლობაში. 11 სავარჯიშო სესია გვქონდა და მთელი ტურნე საოცარი გამოვიდა.

"რეალის" წინააღმდეგ გამოჩნდა, რომ კარგი გუნდი გვყავს: დაწყებული მეკარით დასრულებული თავდამსხმელებით. წავიკითხე, რომ ტონი კროოსმაც იგივე თქვა.

ნებისმიერ შემთხვევაში, რამდენიმე ტრანსფერს კიდევ მივიყვანთ ბოლომდე. თუმცა ამ თემაზე არანაირ დამატებით კომენტარს არ გავაკეთებ", - განაცხადა რუმენიგემ.

"ბაიერნმა" ახალი სეზონისთვის ახალგაზრდა ტალანტები დაიმატა: ბენჟამენ პავარი, ლუკა ერნანდესი და იან ფეტ არპი.