კოვაჩმა კომანის მდგომარეობაზე კომენტარი გააკეთა

მიუნხენური კლუბის მთავარმა მწვრთნელმა, ნიკო კოვაჩმა, "ტოტენჰემთან" აუდის თასის ფინალის შემდეგ კინგსლი კომანის დაზიანებაზე კომენტარი გააკეთა.

23 წლის ფრანგმა მეორე ტაიმში ლონდონელების ცენტრალურ მცველ ხუან ფოიტთან შეჯახების შემდეგ მუხლი აიტკივა და მოედანი სამედიცინო პერსონალის დახმარებით დატოვა.

"იმედი გვაქვს, რომ ეს დაზიანება არც ისე სერიოზულია და ის უახლოეს დღეებში დაგვიბრუნდება.

მან ფეხში მიიღო დარტმა, რაც ყოველთვის მტკივნეულია და მარტივი არ არის", - განმარტა 47 წლის ხორვატმა სპეციალისტმა.

მიუნხენის "ბაიერნი" 2 დღეში, 3 აგვისტოს, გერმანიის სუპერთასის მატჩს გამართავს დორტმუნდის "ბორუსიასთან".