"სწორედ ამიტომ არ შევიყვანო ლევანდოვსკი ოქროს ბურთის ნომინანტებში", - უზბეკი ჟურნალისტი

პარიზში 2021 წლის ოქროს ბურთის დაჯილდოების ცერემონია შედგა. France Football-მა წლის საუკეთესო მოთამაშედ პსჟ-ს არგენტინელი შემტევი ლიონელ მესი დაასახელა, რომელმაც გამოკითხვაში მიუნხენის ბაიერნის პოლონელ ფორვარდს, რობერტ ლევანდოვსკის აჯობა და ოქროს ბურთი კარიერაში მეშვიდედ მოიგო.

საუკეთესო ფეხბურთელს სხვადასხვა ქვეყნების წარმომადგენელი ჟურნალისტები ავლენდნენ - ინტერნეტში გავრცელდა ფოტო, სადაც ნათლად ჩანს, რომ უზბეკმა ჟურნალისტმა გრიგორი რთველაძემ საკუთარ ხუთეულში რობერტ ლევანდოვსკი არ შეიყვანა, თუმცა იქ ადგილი მოუძებნა კილიან მბაპეს, მეისონ მაუნტს, ლიონელ მესის, ჯორჯო კიელინის და კევინ დე ბრუინს.

მოგვიანებით ერთ-ერთმა გულშმატკივარმა გრიგორის პირად შეტყობინებაში ჰკითხა, თუ როგორ მოახერხა, რომ ხუთეულში ლევანდოვსკი არ შეიყვანა, რაზეც უზბეკმა ჟურნალისტმა უპასუხა: 'ის საკმარისად სწრაფი არ არის, ამას გარდა, მას გერმანიის ნაკრებთან ერთად არაფერი მოუგია'