"ჩემთვის ძალიან მძიმე პერიოდი იყო..", - ერნანდესმა ოჯახური ძალადობის ბრალდებაზე პირველად ისაუბრა

მიუნხენის ბაიერნის და საფრანგეთი ეროვნული ნაკრების მცველმა, ლუკას ერნანდესმა მეუღლესთან არსებულ ურთიერთობაზე და იმ სასამართლო პროცესზე ისაუბრა, რომელიც მასთან მიახლოების აკრძალვის გამო დაიწყო:

'ის ინციდენტი, 2017 წელს მოხდა და წარსულს ჩაბარდა. ახლა მე და ჩემი ცოლი ერთად ვართ და ორივეს გვიყვარს ერთმანეთი.

ჩემთვის ძალიან მძიმე პერიოდი იყო. როცა ეს ინფორმაცია გავრცელდა, ჩემი მეუღლე ჩვენს მეორე ბავშვზე იყო (ახლაც არის) ფეხმძიმედ. ვერცერთი ვერ მივხვდით, რატომ დაიწყო პროკურატურამ ჩემს წინააღმდეგ სასამართლო პროცესი', - თქვა ერნანდესმა.

შეგახსენებთ, ლუკას ერნანდესი 2017 წელს მეუღლეზე ფიზიკური ძალადობსი გამო დააკავეს, მაშინ სასამართლომ ლუკასაც და ამელიასაც საზოგადოებისთვის სასარგებლო შრომა მიუსაჯა და ფულადი ჯარიმის გადახდა დააკისრა, ამასთან სასამართლომ მათ 6 თვით შეხვედრა აუკრძალა, თუმცა ფეხბურთელმა მეუღლესთან ერთად ვადის ამოწურვამდე ბაჰამის კუნძულებზე გამგზავრება გადაწყვიტა, იქიდან ჩამოსვლის შემდეგ კი ისინი მადრიდში დააკავეს.

საბოლოოდ უნდა ითქვას, რომ ერნანდეს სასამართლო არა მეუღლეზე ფიზიკურ ძალადობას, არამედ სასამართლო გადაწყვეტიების დარღვევას და დაუმორჩილებლობას ედავებოდა.