ჰიონესმა აზრი შეიცვალა - ბაიერნის ყოფილმა პრეზიდენტმა ვაქცინაციაზე ისაუბრა

მიუნხენის ბაიერნის ყოფილმა პრეზიდენტმა, ული ჰიონესმა ვაქცინაციაზე და იოზუა კიმიხზე ისაუბრა:

'ვაქცინაციას ბოლომდე მხარს ვუჭერ, მაგრამ არა სავალდებულოს. იყო პერიოდი, როცა სავალდებულო ვაქცინაციის მომხრე ვიყავი, მაგრამ შემდეგ დავფიქრდი: რა უნდა გავუკეთოთ ადამიანებს, რომელბსაც აცრა კატეგორიულად არ უნდათ?

სავალდებული ვაქცინაცია სერიოზული პრობლემა მგონია, რომელიც საზოგადოების გახლეჩვას იწვევს. თუმცა, ამჟამინდელი მდგომარეობის გათვალისწინებით, ეს იმასაც ნიშნავს, რომ იმ ადამიანების უფლებები, ვინც არავაქცინერებულია, შეზღუდული უნდა იყოს'

მოგვიანებით, ჰიონესმა იოზუა კიმიხზეც ისაუბრა, რომელსაც აცრის აუცილებლობაში დიდი ხნის მანძილზე ეპარებოდა ეჭვი, მოგვიანებით კი დაინფიცირდა და აზრი ამ საკითხთან დაკავშრებით გარკვეულწილად შეიცვალა:

'კიმიხი ფანტასტიკური მაგალითია იმისა, რომ აცრასთან დაკავშირებით აზრი შესაძლოა შეიცვალო. მას დროთა განმავლობაში ველაპარაკებოდი ყოველგვარი ზეწოლის და დაჩქარების გარეშე და ვაფასებ რაც მან თქვა: "სიტუაცია არასწორად შევაფასეო'

ვისურვებდი, რომ სხვა ადამიანებიც ანალოგიურად მოიქცნენ. კარგია, რომ საბოლოოდ იოზუა მაინც აიცრა. ეს ბევრი იმ ადამიანისთვის იქნება საწყისი წერტილი, ვინც სხვანაირად ფიქრობს', - განაცხადა ჰიონესმა.