"ასეთი ბაიერნის შეჩერება შეუძლებელია", - ნაგელსმანის კომენტარი ზალცბურგთან მატჩის შემდეგ

ჩემპიონთა ლიგის 1/8 ფინალური ეტაპის საპასუხო მატჩში, ზალცბურგის წინააღმდეგ მოპოვებული გამარჯვების (7:1) შემდეგ, ბაიერნის მთავარმა მწვრთნელმა, იულიან ნაგელსმანმა ჟურნალისტებთან ისაუბრა:

'ძალიან კარგი მატჩი ჩავატარეთ და ბრწყინვალე ფეხბურთი ვითამაშეთ. მეტოქეს ლამაზად ვუტევდით და ყველანაირი გოლის გატანა მოვახერხეთ - ჯარიმიდან, მოგებული ორთაბძოლების შემდეგ, პოზიციური შეტევებით...

როცა მსგავსი მონდომებით ვთამაშობთ, ბაიერნის შეჩერება პრაქტიკულად შეუძლებელი ხდება. დღეს ყველამ ძალიან მოინდომა და მსგავსი ანგარიშით გამარჯვებაც დავიმსახურეთ', - განაცხადა ნაგელსმანმა.