ზიულე ყველაფერი ჯერ კიდევ ჩვენს ხელშია

გერმანიის ეროვნული ნაკრების ცენტრალურმა მცველმა, ნიკლას ზიულემ, ჰოლანდიასთან მარცხის (2:4) შემდეგ გუნდი გაამხნევა.

"ეს არ იყო კარგი თამაში ჩვენი შესრულებით. პირველ ტაიმში მეტოქისთვის ბევრი არაფრის უფლება მიგვიცია, მაგრამ ბურთის ფლობის მაჩვენებელი დაბალი იყო.

ახლა კარგად უნდა გავაანალიზოთ თუ რისი გაკეთება შეგვიძლია უკეთესად სამომავლოდ.

საბედნიეროდ, ევროპის ჩემპიონატის შესარჩევ ციკლში ყველაფერი ჯერ კიდევ ჩვენს ხელშია", - განაცხადა "ბაიერნის" 24 წლის მცველმა.

"ბუნდესთიმი" 4 თამაშის შემდეგ ჯგუფში 9 ქულით მეორე ადგილს იკავებს და 3 ქულით ჩამორჩება ჩრდილოეთ ირლანდიას, რომელსაც 9 სექტემბერს გასვლაზე დაუპირისპირდება.

ჰოლანდიის ნაკრებს კი 3 თამაშის შემდეგ 6 ქულა აქვს და ჯერჯერობით ცხრილში მესამე ადგილს იკავებს.