რუმენიგე 00 სახიფათო ანგარიშია

მიუნხენის "ბაიერნის" გენერალურმა დირექტორმა, კარლ-ჰაინც რუმენიგემ, ჩემპიონთა ლიგის პირველი 1/8 ფინალური შეხვედრის შედეგი შეაფასა.

"0:0 - სახიფათო ანგარიშია. 1981 წელს ასეთი ანგარიში გვქონდა დაფიქსირებული და საბოლოოდ, შინ 1:1-ს შემდეგ გამოვვარდით.

არ უნდა დავუშვათ ის შეცდომები, რომლებიც მაშინ ჩემმა გუნდმა დაუშვა. მეორე მატჩი ფანტასტიკურად უნდა ჩავატაროთ", - განაცხადა კალე რუმენიგემ.

რუმენიგემ 1980/81 წლების სეზონის ჩემპიონთა თასის ნახევარფინალი გაიხსენა. მაშინაც "ბაიერნმა" ლივერპულიდან უგოლო ფრე წამოიღო, ხოლო მიუნხენში ფრედ 1:1 ინგლისელებს აწყობდათ.

საპასუხო მატჩი "ალიანს არენაზე" 13 მარტს გაიმართება. ნებისმიერი შედეგიანი ფრე სტუმრებს აწყობთ.