მე200 გოლი ლევანდოვსკისთვის

რობერტ ლევანდოვსკიმ 2019/20 წლების სეზონი ფანტასტიკურად დაიწყო - საწყის 6 თამაშში 8 გოლის შემდეგ პოლონელმა ჩემპიონთა ლიგაზეც გახსნა ანგარიში.

მიუნხენის "ბაიერნმა" საკუთარ მოედანზე ჯგუფის აუტსაიდერი "ცრვენა ზვეზდა" 3:0 დაამარცხა და ლევანდოვსკიმ ერთი ბურთი გაიტანა.

31 წლის პოლონელ თავდამსხმელს "რეკორდმაისტერის" მაისურით ყველა ტურნირზე ერთად უკვე 200 გოლი დაუგროვდა.

200 ბურთის გასატანად ლევანდოვსკის 249 მატჩი დასჭირდა. ამ 200-დან 37 გოლი პოლონელს ჩემპიონთა ლიგაზე აქვს გატანილი.

რობერტ ლევანდოვსკი მიუნხენურ კლუბს 2014 წლის ზაფხულში დორტმუნდის "ბორუსიადან" უფასოდ შეუერთდა.