"ისინი ამ კომპონენტში ძლიერები არიან", - ნაგელსმანის კომენტარი აუგსბურგთან მატჩის წინ

ხვალ, ბუნდესლიგის მე-7 ტურის შეხვედრაში მიუნხენის ბაიერნი სტუმრად აუგსბურგს დაუპირისპირდება.

აღნიშნულ შეხვედრამდე ერთი დღით ადრე, მიუნხენელთა მთავარმა მწვრთნელმა, იულიან ნაგელსმანმა გამართა პრესკონფერენცია და მეტოქე გუნდზე ისაუბრა:

"აუგსბურგი გრძელი გადაცემებით თამაშობს, ისინი მეორე სართულზე კარგად მოქმედებენ და მატჩის მიმდინარეობისას ბევრს მუშაობენ.

შექმნილი შანსები მაქსიმალურად უნდა გამოვიყენოთ - ამ შემთხვევაში კი დარწმუნებული ვარ, რომ საერთაშორისო სანაკრებო შესვენებას გამარჯვებულები შევხვდებით", - განაცხადა ნაგელსმანმა.

ცნობისთვის, აუგსბურგსა და ბაიერნს შორის გასამართი შეხვედრა თბილისის დროით 17:30 საათზე დაიწყება.