"პლზენისგან ამას ველოდები...", - ნაგელსმანის პრესკონფერენცია ხვალინდელი მატჩის წინ

ხვალ, ჩემპიონთა ლიგის ჯგუფური ეტაპის მე-3 ტურის შეხვედრაში, მიუნხენის ბაიერნი შინ პლზენს უმასპინძლებს.

შეხვედრამდე ერთი დღით ადრე, რეკორდმაისტერის მთავარი მწვრთნელი, იულიან ნაგელსმანი ჟურნალისტებს ესაუბრა და მეტოქე გუნდზეც გააკეთა კომენტარი:

"ხვალისთვის, ჩვენ 3 ქულის მოპოვება გვჭირდება და ეს ძალიან გვსურს. პლზენთან მატჩის მოგება მნიშვნელოვანია, რადგან დადებითი რიტმის შენარჩუნებაა საჭირო. ჩემი გუნდისგან საუკეთესო თამაშს ველოდები.

რაც შეეხება პლზენს, ვფიქრობ, რომ ისინი თავს სიღრმიდან დაიცავენ.

ვცდილობთ, ჩემპიონთა ლიგაზე მაქსიმალურ შედეგს მივაღწიოთ, მაგრამ რა თქმა უნდა მომავალ ბუნდესლიგის მატჩებზეც ვფიქრობთ", - განაცხადა ნაგელსმანმა.