დორტმუნდის "ბორუსიას" გენერალურმა დირექტრორმა,იოჰან ვაცკემ განაცხადა, რომ მისი გუნდი მოახერხებდა ჩემპიონთა ლიგის მოგებას თუ რობერტ ლევანდოვსკი და მარიო გიოცე გუნდში დარჩებოდნენ.
"ჩვენ გვყავდა მსოფლიო კლასის გუნდი. თუ შემადგენლობის ბირთვი გუნდში დარჩებოდა "დორტმუნდი" ასი პროცენტით მოიგებდა ლიგას.
მარიომ მიიღო არაპოპულარული გადაწყვეტილება 2013 წელს, როდესაც ის გადავიდა "ბაიერნში", ერთი წლის შემდეგ ამას მოყვა ლევანდოვსკის ტრანსფერი, ყველაფერი კი ჰუმელსით დასრულდა.
ჩვენ წავაგეთ 2013 წლის ფინალი, მაგრამ დარწმუნებით შემიძლია გითხრათ, რომ შემდეგი წლები ჩვენი უნდა ყოფილი, თუმცა შემადგენლობის მოშლამ ყველაფერს წერტილი დაუსვა."- განაცხადა ვაცკემ
შეგახსენებთ, რომ 2013 წლის ჩემპიონთა ლიგის ფინალში "ბორუსია" სწორედ მიუნხენის "ბაიერნთან" დამარცხდა. ამის შემდეგ კი დაიწყო "რეკორდმაისტერის" ჰეგემონია, რომელიც დღემდე გრელდება.