ნოიერმა კანის რეკორდი გაიმეორა

მიუნხენის "ბაიერნის" კაპიტნისთვის, მანუელ ნოიერისთვის, "ოლიმპიაკოსთან" შეხვედრა (3:2) საიუბილეო გამოდგა.

33 წლის გერმანელმა კიპერმა ჩემპიონთა ლიგაზე 103-ე შეხვედრა ჩაატარა და ლეგენდარულ ოლივერ კანს გაუთანაბრდა.

ერთი მატჩიც და მანუ ნოიერი ყველაზე გამოცდილი გერმანელი მეკარე გახდება ევროპის მთავარი საკლუბო ტურნირის ისტორიაში.

მანუელ ნოიერი გელზენკირხენის "შალკეს" აღზრდილია და 2005-11 წლებში "ლურჯების" მაისურითაც აქვს ნათამაშები ჩემპიონთა ლიგაზე.