ბოლოს როდის გაუშვა ბაიერნმა 2 გოლი ზედიზედ 5 თამაშში

მიმდინარე სეზონის დასაწყისში მიუნხენის "ბაიერნის" დაცვის ხაზი ვერანაირ კრიტიკას ვერ უძლებს და ეს შედეგებზეც აისახება.

"რეკორდმაისტერი" განსაკუთრებით ცუდ ფორმაში ბოლო პერიოდში შევიდა და ერთბაშად ზედიზედ 5 შეხვედრაში გაუშვა 2 ბურთი.

საინტერესოა, რომ "ბაიერნს" ასეთი რამ ბოლოს 31 წლის წინ, 1987/88 წლების სეზონში, შეემთხვა. მაშინ მიუნხენელებმა ტიტული ვერ მოიგეს - ბუნდესლიგაში მეორე ადგილზე გავიდნენ და ჩემპიონთა თასზე 1/4 ფინალში მადრიდის "რეალთან" დამარცხდნენ.

ნიკო კოვაჩის გუნდის ბოლო 5 თამაში:

ოლიმპიაკოსი 2:3 ბაიერნი

აუგსბურგი 2:2 ბაიერნი

ბაიერნი 1:2 ჰოფენჰაიმი

ტოტენჰემი 2:7 ბაიერნი

პადერბორნი 2:3 ბაიერნი