"მიუნხენში მოსაგებად და შემდეგ ეტაპზე გასასვლელად ჩამოვდივართ", - მბაპე ბაიერნთან მატჩის წინ

მოგეხსენებათ, 8 მარტს ჩემპიონთა ლიგის 1/8 ფინალის განმეორებით შეხვედრაში, მიუნხენის ბაიერნი შინ პსჟ-ს უმასპინძლებს. ამ გუნდების პირველი
დაპირისპირება, ნაგელსმანის გუნდის გამარჯვებით (0-1) დასრულდა.

მატჩამდე რამდენიმე დღით ადრე, მოსალოდნელ შეხვედრაზე კომენტარი პარიზელთა შემტევმა, კილიან მბაპემაც გააკეთა:

"თავდაჯერებულები ვართ, მაგრამ ამავე დროს თავმდაბლებიც, რადგანაც დიდ გუნდს ვუპირისპირდებით, ჩვენ პარი სენ-ჟერმენი ვართ და მიზნად ყოველთვის თამაშის მოგებას ვისახავთ.

მიუნხენშიც გამარჯვებისთვის და შემდეგ ეტაპზე გასვლისთვის ჩავდივართ - უკან სახლში ბედნიერები უნდა დავბრუნდეთ", - განაცხადა მბაპემ.