ცოტა ხანში, სანაკრებო პაუზები დაიწყება, რაც იმას ნიშნავს, რომ ნაკრებთა უმეტესობამ მარტში გასამართი შეხვედრებისთვის იმ ფეხბურთელთა სია გამოაქვეყნა, ვინც აღნიშნულ მატჩებში მიიღებენ მონაწილეობას.
ბევრისთვის მოულოდნელად, ფლიკის 24 კაციან სიაში მიუნხენის ბაიერნის შემტევი, ლეროი სანე ვერ მოხვდა, რაზეც კომენტარი მოგვიანებით თავად ფლიკმაც გააკეთა:
"ეს მის სათამაშო ფორმასთან არაფერ კავშირი არ არის. ჩვენ გვჭირდებოდა გარკვეული სივრცე ახალი მოთამაშეებისთვის, რომლებზეც დაკვირვება გვსურს. ამოცანა გვაქვს შემდეგი, რომ მოვიძიოთ ახალი ალტერნატივები, ამიტომ საქმის კეთებას მარტში შევუდგებით", - განაცხადა ფლიკმა.