ნაგელსმანი გვარდიოლას რეკორდს უმიზნებს - 35 წლის სპეციალისტის კომენტარი ამ ფაქტზე

როგორც უკვე მოგახსენეთ, შვეიცარიის ქალაქ ნიონში გამართულ ჩემპიონთა ლიგის მეოთხედფინალური ეტაპის კენჭისყრა გაიმართა, სადაც გაირკვა, რომ მიუნხენის ბაიერნის მეტოქე მანჩესტერ სიტი იქნება.

ჟურნალისტებთან საუბრისას, ნაგელსმანს გვარდიოლას იმ რეკორდზე ჰკითხეს, რომლის მოხსნის შანსიც ახალგაზრდა სპეციალისტს აქვს.

ჟურნალისტი: "გვარდიოლამ ჩემპიონთა ლიგა ბარსელონასთან ერთად 2009 წელს მოიგო, 38 წლის ასაკში - ის არის ყველაზე ახალგაზრდა მწვრთნელი, ვინც ამ ტიტულის მოგება მოახერხა, მაგრამ მისი რეკორდის გაუმჯობესება თქვენ შეგიძლიათ, რა გრძნობაა ეს თქვენთვის?"

ნაგელსმანი: "ეს ნიშნავს, რომ ჩვენ უნდა მოვიგოთ ჩემპიონთა ლიგა მომდევნო 3 წლის განმავლობაში, რა თქმა უნდა ყოველივეს ძალიან გამახარებს."