"თუ დორტმუნდს ვერ მოვუგეთ, ბუნდესლიგის მოგება გაგვიჭირდება", - ნაგელსმანი

ბუნდესლიგის 25-ე ტურის შეხვედრაში მიუნხენის ბაიერნი სტუმრად ლევერკუზენს დაუპირისპირდა და 2:1 დამარცხდა, აღნიშნული მარცხით ნაგელსმანის გუნდმა ბუნდესლიგაში ლიდერობა დაკარგა და მეორე ადგილზე გადმოინაცვლა.

მატჩის დასრულების შემდეგ, ჟურნალისტებთან კომენტარი თავად ნაგელსმანმაც გააკეთა:

"ვულოცავ ჩაბის და ლევერკუზენს დამსახურებულ გამარჯვებას. 80 წუთის განმავლობაში მეტოქეზე უარესი გუნდი ვიყავით მხოლოდ, ბოლო 10 წუთი გვქონდა კარგი.

დორტმუნდის წინააღმდეგ აუცილებლად უნდა მოვიგოთ, წინააღმდეგ შემთხვევაში, თუ დორტმუნდის ამჟამინდელ ფორმას გავითვალისწინებთ, ტიტულის მოპოვება რთული იქნება", - განაცხადა ნაგელსმანმა.

ცნობისთვის, შემდეგ ტურში ბაიერნი საკუთარ მოედანზე სწორედ დორტმუნდს უმასპინძლებს.