ფაბრიციო რომანო: "ბაიერნი იუვენტუსის ფორვარდით დაინტერესდა - საქმეში ჩელსი და იუნაიტედიცაა"

მსოფლიოში ყველაზე გავლენიანი სპორტული ჟურნალისტის, ფაბრიციო რომანოს მტკიცებით, მიუნხენის ბაიერნი და მანჩესტერ იუნაიტედი დუჰან ვლაჰოვიჩის ტრანსფერისთვის რბოლაში ჩაერთვნენ.

საქმე იმაშია, რომ სერბის გადაბირებაზე ლონდონის ჩელსიც მუშაობს - ამიტომაც ყველა გუნდი იუვენტუსის ახალი დირექტორის დანიშვნას და ვლაჰოვიჩის შესახებ მის გადაწყვეტილებას ელოდება.

ცნობისთვის, 23 წლის ვლაჰოვიჩსა და იუვენტუსს შორის არსებულ კონტრაქტს ვადა 2026 წლის ზაფხულში გასდის, ახალგაზრდა ფორვარდი კი გერმანულ Transfermarkt-ს 75 მილიონ ევროდ ჰყავს შეფასებული.