რატომ უთხრა ბაიერნმა ვენგერს უარი

კვირის დასაწყისში მიუნხენის "ბაიერნსა" და ლეგენდარულ ფრანგ სპეციალისტს, არსენ ვენგერს, შორის მოლაპარაკება გაიმართა, მაგრამ მხარეები ერთმანეთს უარით დაშორდნენ.

ვენგერმა პირადად "რეკორდმაისტერის" გენერალურ დირექტორს, კარლ-ჰაინც რუმენიგეს, ტელეფონზე დაურეკა და საკუთარი კანდიდატურა წარუდგინა.

კალე რუმენიგემ ვენგერს ინტერესისთვის მადლობა გადაუხადა და უთხრა, რომ "ბაიერნი" მას მხოლოდ სეზონის ბოლომდე გაუფორმებდა კონტრაქტს.

დღეს გავრცელდა ინფორმაცია, რომ შეთანხმება სწორედ ამიტომ არ შედგა - გერმანულ გრანდს მხოლოდ 2020 წლის ზაფხულამდე სურდა ვენგერის აყვანა, ხოლო გამოცდილმა ფრანგმა გრძელვადიანი კონტრაქტი მოითხოვა.

საბოლოოდ, "ბაიერნმა" და არსენ ვენგერმა ერთმანეთს თბილი უარი უთხრეს, ხოლო "რეკორდმაისტერი" ახლა ჰანსი ფლიკის ვარიანტს განიხილავს.