მიუნხენის "ბაიერნის" მთავარმა მწვრთნელმა, ჰანსი ფლიკმა, დორტმუნდის "ბორუსიასთან" უმნიშვნელოვანეს შეხვედრაზე ისაუბრა.
"ახლა ჩემი მიზანი დორტმუნდის "ბორუსიაა". გვინდა, რომ მოვიგოთ. სწორედ ეს გვამოძრავებს ახლა მეც და გუნდსაც.
ვგრძნობ, რომ გუნდი მზად არის. ჩვენ მიუნხენის "ბაიერნი" ვართ და ყველას უნდა დავანახოთ ამ დიდი კლუბის შესაძლებლობები.
ჯერ არ ვიცი თუ ვინ ითამაშებს დაცვაში. ანალიზი ჩავატარეთ და დეივისი სათამაშოდ მზად არის. ბოატენგი დისკვალიფიკაცირებულია, ამიტომ შესაძლოა ლუკას მაიმაც მიიღოს შანსი", - განაცხადა 54 წლის გერმანელმა სპეციალისტმა.
10 ტურის შემდეგ "ბაიერნი" ჩემპინატის ლიდერებს ჩამორჩება. "რეკორდმაისტერს" 18 ქულა აქვს, დორტმუნდის "ბორუსიას" - 19, ხოლო მიუნხენგლადბახის "ბორუსიას" - 22.
"დერ კლასიკერი" კვირას, ჩვენი დროით 21:30 საათზე, "ალიანს არენაზე" გაიმართება.