პირველი მოთამაშე ბუნდესლიგის ისტორიაში მიულერი რეკორდსმენია

დღევანდელი "დერ კლასიკერი" მიუნხენის "ბაიერნის" შემტევი ნახევარმცველისთვის, თომას მიულერისთვის, სარეკორდო აღმოჩნდა.

ბუნდესლიგის მე-11 ტურის ცენტრალურ შეხვედრაში "რეკორდმაისტერმა" დორტმუნდის "ბორუსია" შინ 4:0 გაანადგურა და მიულერმა ორი საგოლე გადაცემა გააკეთა.

მეორე ტაიმის დებიუტში სერჟ გნაბრიზე გაკეთებული ასისტი მიულერისთვის ბუნდესლიგაში მე-100 გამოდგა!

ამრიგად, თომას მიულერი გერმანიის ბუნდესლიგის ისტორიაში პირველი მოთამაშეა, რომელმაც 100 საგოლე გადაცემა დააგროვა (სტატისტიკის დათვლა 2004-05 წლების სეზონიდან დაიწყო).

თომასმა მოგვიანებით 101-ე ასისტიც ჩაიწერა აქტივში. ბუნდესლიგის მიმდინარე სეზონში 30 წლის გერმანელს უკვე 5 საგოლე პასი დაუგროვდა.

ბუნდესლიგის ყველა დროის ტოპ 5 ასისტენტი:

1. თომას მიულერი - 101

2. ფრანკ რიბერი - 92

3. გონსალო კასტრო - 67

4. მარკო როისი - 62

5. მაქს კრუზე - 60