ლეგენდარულმა ფრანგმა სპეციალისტმა, არსენ ვენგერმა, მიუნხენის "ბაიერნთან" მის კავშირს საბოლოოდ ახადა ფარდა.
ბოლო პერიოდში "რეკორდმაისტერი" ლონდონის "არსენალის" ყოფილ თავკაცთან აწარმოებდა მოლაპარაკებებს, მაგრამ მხარეები ვერ შეთანხმდნენ.
"მე არ ვიქნები "ბაიერნის" მომდევნო მთავარი მწვრთნელი. მიუნხენურ კლუბს წარმატებას ვუსურვებ, ჩემთვის ყველაფერი გასაგებია", - განაცხადა არსენ ვენგერმა.
70 წლის ფრანგმა სპეციალისტმა მინიმუმ 1,5 წლიანი კონტრაქტი მოითხოვა, რაზეც "ბაიერნმა" უარი განაცხადა.
მიუნხენური გრანდის მიზანია, რომ სეზონის ბოლომდე დროებითი თავკაცი აიყვანოს, ხოლო 2020/21 წლების სეზონიდან ახალი გუნდის შენება ერიკ ტენ ჰაგთან ერთად დაიწყოს.