რატომ თქვა უარი ჰადსონოდოიმ ბაიერნში გადასვლაზე

ლონდონის "ჩელსის" ახალგაზრდა სუპერ-ტალანტმა, კალუმ ჰადსონ-ოდოიმ, მიუნხენის "ბაიერნთან" ჩაშლილ შეთანხმებაზე ისაუბრა.

"ფრენკი ლამპარდის მოსვლა თითოეული ჩვენგანისთვის ძალიან დიდი მოვლენა იყო. მას ნათქვამი ჰქონდა, რომ ახალგაზდა მოთამაშეები ძალიან უყვარს და თავიდანვე გამიხარდა, როდესაც მისი მოსვლის შესახებ გავიგე.

მისი მოსვლის შემდეგ ვიფიქრე, რომ "დიახ, ესეც ასე!". ლამპარდთან ერთად გუნდიდან წასვლაზე უკვე აღარც მიფიქრია", - განაცხადა 19 წლის ინგლისელმა.

"ბაიერნი" ჰადსონ-ოდოის სერიოზულად უმიზნებდა და 2019 წლის იანვარში მის გადაბირებასთან ახლოსაც იყო, მაგრამ საბოლოოდ "ჩელსიმ" მისი ტრანსფერი დაბლოკა.