რატომ დატოვა მოედანი გორეცკამ შესვენებაზე

მიუნხენის "ბაიერნისა" და ბერლინის "ჰერტას" დღევანდელ შეხვედრაში (1:0) ნიკო კოვაჩმა პირველი ცვლილება შესვენებაზევე გააკეთა.

მეორე ტაიმში თამაშში ესპანელი ცენტრი ტიაგო ალკანტარა ჩაერთო და შეცვალა ლეონ გორეცკა, რომელმაც ბარძაყის დაზიანება თამაშის წინა დღეს მოიშუშა და სასტარტოში დაიწყო.

გორეცკას შეცვლის მიზეზი "ბაიერნის" თავკაცმა, ნიკო კოვაჩმა, დაასახელა: "ლეონმა გასახდელში მითხრა, რომ მეტი არ შეეძლო. ამის შემდეგ ტიაგოს ვთხოვეთ გახურება".

24 წლის გერმანელმა "ლივერპულთან" ჩემპიონთა ლიგის პირველი მერვედფინალური მატჩი გამოტოვა, მაგრამ მისი პრობლემა სერიოზული არ არის.