ლევანდოვსკი 2020 წლამდე იუქმებს

მიუნხენის "ბაიერნს" წლის ბოლო თამაშის წინ საუკეთესო ბომბარდირი და ცენტრალური თავდამსხმელი, რობერტ ლევანდოვსკი, გამოაკლდა.

დღეს ცნობილი გახდა, რომ 31 წლის პოლონელმა ბარძაყის დაზიანება მიიღო და სამედიცინო შემოწმება უნდა გაიაროს.

წინასწარი ინფორმაციით, ლევანდოვსკის 10-14 დღის გამოტოვება მოუწევს და "ბაიერნს" ხვალ, "ვოლფსბურგთან" საშინაო შეხვედრაში, ვერ დაეხმარება.

რობერტ ლევანდოვსკი ფანტასტიკურ სეზონს ატარებს და ყველა ტურნირზე ერთად უკვე 30 ბურთი აქვს გატანილი, აქედან 19 ბუნდესლიგის 16 მატჩში.

"რეკორდმაისტერი" 30 ქულით სატურნირო ცხრილში მე-3 ადგილს იკავებს და ლიდერებს 4 ქულით ჩამორჩება.