მიუნხენის "ბაიერნის" მთავარმა მწვრთნელმა, ნიკო კოვაჩმა, 18 წლის კანადელი სუპერ-ტალანტის, ალფონსო დეივისის, გუნდში ინტეგრაციაზე ისაუბრა.
"ფონსი ძალიან ნიჭიერი ახალგაზრდა მოთამაშეა. ის ამერიკიდან მიუნხენის "ბაიერნში" გადმოვიდა. აქ პირველ რიგში რეაბილიტაციაა საჭირო, რაც ჯერჯერობით კარგად გამოსდის.
არ არის მარტივი ახალგაზრდა მოთამაშის ეგრევე სწორ გზაზე დაყენება. ამ ბიჭს დრო უნდა მივცეთ. თითოეულ ჩვენს ახალწვეულს დრო სჭირდება, ამიტომ მოთმინება უნდა გამოვიჩინოთ.
მათგან ეგრევე სასწაულებს არ უნდა ველოდეთ. მისი პროგრესით კმაყოფილი ვარ და იმედი მაქვს, მისი მუშაობა შედეგს გამოიღებს და დეივისი სათამაშო დროს მიიღებს", - განაცხადა 47 წლის ხორვატმა სპეციალისტმა.
ალფონსო დეივისი მიუნხენის "ბაიერნმა" "ვანკუვერიდან" 13 მილიონ დოლარად გაიფორმა, მაგრამ დეივისს ჯერ ძალიან ცოტა დრო ეძლევა
ალფონსომ ბუნდესლიგაში მხოლოდ 3 შეხვედრაში მიიღო მონაწილეობა და საერთო ჯამში მოედანზე მხოლოდ 18 წუთი დაჰყო.