"ბაიერნიდან" ინგლისის ნაკრებში - თომას ტუხელი ინგლისის მთავარი მწვრთნელი გახდა

მიუნხენის "ბაიერნის" ყოფილმა მწვრთნელმა, თომას ტუხელმა გააფორმა კონტრაქტი ინგლისის ნაკრებთან.

გერმანელი, რომელიც ზაფხულში "ბაიერნიდან" წასვლის შემდეგ უმუშევარია, ინგლისის მწვრთნელი გახდება.

ტუხელი მესამე არაინგლისელი მწვრთნელი იქნება ფაბიო კაპელოს და სვენ-გორან ერიქსონის შემდეგ.

ინგლისის ფედერაცია თომას ტუხელთან დისკუსიებს გასული თვის შემდეგ აწარმოებდა.

სანამ დანიშვნა დადასტურდებოდა, ჰარი კეინი მიესალმა ტუხელის ხელმძღვანელობის იდეას.